كيف نجعل النجوم من أفضل المنتديات ؟؟؟

* اولاً : (( تشجيع الأعضاء الجدد ))

هذي هي البداية وأنتوا أكيد تتذكرون ان كل واحد منا أول يوم يشترك في المنتدى ويكتب موضوع وكم يتمنى الجميع يرد عليه ،، وبتشجيعنا للأعضاء الجدد فنحن نحثهم على الأبداع فمنهم سيخرج لنا كتاب رائعين في الشعر وكتاب متميزين في الجنون أو في أي مجالات آخرى
والعضو الي دايم يكون الأول في الترحيب ،، حبيب وقلبه طيب


* ثانياً : (( قبل أن تكتب أي موضوع في أي قسم معين حاول أن ترد على موضوعين اوثلاث او اكثر ))

وهذا شئ مهم جداً ،، لأن هذا تواصل بين الأعضاء وتشجيع لهم وأي عضو يفرح بكل رد على موضوعه ويحثه على الأبداع أكثر فاكثر وأنت أذا رديت على مواضيعهم الكل بيرد على موضوعك إذا كان يستحق .
والعضو الي دايم يرد على المواضيع يسمى ،، محبوب الكل


* ثالثاً : (( تشجيع المواضيع التي يكتبها اصحابها ))

أن تكتب أنت موضوع بجهدك أفضل مليون مره من نقله أو نسخه من منتدى ثاني فالمستفيد الوحيد هو صاحب الموضوع الذي كتبه بجهده ولأنه موضوع رائع فالكل ينسخه وينشره في كل المنتديات ،، أكتب فكره أو معلومه أو انقل من كتاب او مجلة مايستحق النشر والعضو الي دايم يكتب مواضيعه بنفسه ،،
ومو شرط يكون الموضوع اللي تكتبو عال العال يعني أكيد في البداية ماراح يرضي الجميع
لكن مع كثر الكتابة حتصبح أفضل وأفضل وحتبدع وتكتب حاجات انت نفسك ما اتوقعت انك تكتبها هذا
وهذا رح نسميه عضو نشيط ومتميز


رابعاً : (( الكلمة السحرية ))

وهي أن تكتب كلمة ( شكرا على هذا الموضوع ) كلمات قليله ماراح تتعبك او تنقص من قدرك او كبريائك المزيف ،، كثير مانشوف مواضع عدد قرائها فوق السبعين او الثمانين ومن هولاء فقد يرد على صاحب الموضوع واحد او ثنين وأكثر الأحيان تجد الموضوع خالي من أي رد ..!!
يعني أنت تبي الكل يرد على موضوعك وأنت ماتكلف على عمرك وتجامل صاحب الموضوع .. عيل ليش تشارك وتتعب عمرك
وكمان ياليت يكون ردك على قد الموضوع اللي تقرأه
يعني مو معقولة واحد كاتب موضوع طويل ومهم ومتعب نفسه ويطلب رايك ووو..... وفي النهاية تقلو شكرا ..!!!!
يعني حاول تبدع في الردود وتعطي كل موضوع حقه من الاهمية


خامساً : (( محاربة التحزب ))

وهذا أكبر خطر يهدد أي منتدى وكثير من المنتديات هرب منها اعضائه لهذا اسبب ،، والتحزب هي أن يتفق الأعضاء ويقولون ( احنا والله شله ارتحنا لبعض ومانبي واحد جديد يدخل بينا ،، والاتفاق هو ترد على موضوعي ارد على موضوعك ) ويروح فيها الضعيف ( العضو الجديد ) مايعطونه وجه لين يمل وينسحب من المنتدى ،، وخلاص انتهاء المنتدى وصار ممل واللافضل انه يتقفل. .
ونحن بالتأكيد ما نرضى بالشي دا...


سادساً : (( التواصل بين الأعضاء ))

التواصل بين الأعضاء في الأفراح نهنيهم وفي الأحزان نواسيهم ( عاد تخيل نفسك مريض او مسافر حتى أهلك مادروا عنك ،، وتجي للمنتدى ولكل مشتاقين لك ويسألون عنك ،، أكيد بتشقق من الفرحه ومحد قدك )
ويسمى العضو الي دايم يسأل عن الاعضاء ،، ياطيب القلب وينك


سابعاً : (( التقليل من المواضيع المنقولة ))

بعض الموضيع مهمه ويجب أن تنقل وتنتشر في كل المنتديات ،، لكن مسألة انك تشوف اي موضوع يعجبك وتنقله لا ويمكن يكتب عشر مواضيع في اليوم ( تخصص قص ولصق ) وتلاقيه هو أصلا ما رأ الموضوع ولا يدري اش فيه (( الا من رحم ربي ))




أسأل الله العظيم أن يوفقني وإياكم في الرقي والسمو بنجومنا لكي نصل الى عنان السحاب

مودتي لكم [/size]

ملاحظة : أرجو تثبيت الموضوع وشكراً